История, Как Возникло Древнерусское Государство, История рода Рюриковичей, Старинные Печати, Государственный Герб России: от первых Печатей до наших Дней, Символы и Святыни России в Картинках, Преподобный Феодосий Кавказский, Русские Святые, Как Появились Награды в России, Портреты Российских Царей, Генералов, Изображения Наград, Русские Народные Игры, Русские Хороводы, Русские народные Поговорки, Пословицы, Присловья, История Древней Греции, Чудеса Света, История Развития Флота, Автомобили Внедорожники, Отдых в Волгограде

Меню Сайта

Главная

Как Возникло Древнерусское Государство

Русские князья период от 1303 до 1612 года

Династия Романовых

История России с конца XVIII до начала XX века

История и мистика при Ленине и Сталине

История КГБ от Ленина до Горбачева

История Масонства

Казни

Государственный Герб России: от первых Печатей до наших Дней

Символы и Святыни Русской Православной Церкви

Символы и Святыни России в Картинках

Портреты Российских Царей, Генералов, Изображения Наград

Награды Российской Империи

Русские Народные Игры

Хороводы

Русские народные Поговорки, Пословицы, Присловья

История Древней Греции

Преподобный Феодосий Кавказский

Русские Святые

Чудеса Света

Алгоритмы геополитики и стратегии тайных войн мировой закулисы

Катастрофы

Реактивные самолеты и ракеты Третьего рейха

История Великой Отечественной Войны, Сражения, Нападения, Операции, Оборона

История формирования, подготовка, и выдающиеся операции спецподразделений (спецназа)

История побед летчика Гельмута Липфера

История войны рассказанная немецким пехотинцем Бенно Цизером

Мифы индейцев Южной Америки

История Развития Флота

История развития Самых Больших Кораблей

Постройка моделей Кораблей и Судов

История развития Самых Быстрых Кораблей

Автомобили Внедорожники

Вездеходы Снегоходы

Танки

Подводные Лодки

Туристам информация о Странах

Отдых в Волгограде

Loading

Тропарь, Кондак, Акафист Преподобному Феодосию Кавказскому

ТРОПАРЬ ПРЕПОДОБНОМУ ФЕОДОСИЮ КАВКАЗСКОМУ

От юности Христа возлюбил еси, блаженне, Его же ради на Святый Афон и ко Гробу Господню удалился еси. Тамо благодатию, даром чудес обогатился еси, и паки в страну Российскую к людем своим возвратился еси. Народы Кавказа в годину гонений молитвами и чудесами многими во Православии укрепил еси. Преподобие отче Феодосие, моли Христа Бога, да укрепит Господь во Православии люди зде живущии, и оградит землю нашу миром, и спасет всех, яко милосерд.

КОНДАК ПРЕПОДОБНОМУ ФЕОДОСИЮ КАВКАЗСКОМУ

Всю жизнь Христу Богу отдал еси, преподобие отче Феодосие, подвиги молитвы, стояния у Гроба Господня, поста, воздержания, юродства, темничнаго заточения Его ради претерпел еси до конца. Тем-же и Христос долголетием и чудесами многими тя обогати, яко и доныне людие земли наглея к мощем твоим притекают с верою и получают просимое. Отче наш Феодосие предивный, моли Господа Бога и Владыку всех о сохранении в стране Российстей Православия, умирении мира и спасении душ наших.

ТРОПАРЬ ПРЕПОДОБНОМУФЕОДОСИЮ КАВКАЗСКОМУ

ради пренесения святых мощей его

Глас 4

Днесь православнии людие Кавказа светло празднуем/ пренесение во храм Богородицы честных и многоцелебных мощей/ теплаго молитвенника и помощника нашего/ преподобнаго Феодосия Кавказскаго Чудотворца,/ и вси собравшиеся ныне ко святым мощем его/ со умилением и радостию вопием:/ спасай всех нас, с верою прибегающих и молящихся тебе,/ Феодосие преподобие отче наш.

КОНДАК ПРЕПОДОБНОМУ ФЕОДОСИЮ КАВКАЗСКОМУ

ради пренесения святых мощей его

Глас 4

Приидите вси вернии/ пренесем честныя и многоцелебныя мощи/ преподобнаго Феодосия Кавказского/ во храм Пресвятыя Богородицы/ яко скораго заступника и теплаго молитвенника о градех, весех и всей земли кавказския,/ дарующа и нам, чтущим память его, исцеления,/ православной веры утверждение, мира зде умирение,/ и молящегося непрестанно о спасении душ наших.

АКАФИСТ ПРЕПОДОБНОМУ ФЕОДОСИЮ КАВКАЗСКОМУ

Кондак 1

Избранный угодниче Христов и преславный чудотворче, преподобие отче Феодосие, подвиги твоими Ангелы удививый и человеки многий из глубины греховный изведый, умоли прославльщаго тя Господа о нас, от бед и напастей нас свободи, любовию зовущих ти: Радуйся, преподобие Феодосие, Кавказский чудотворче.

Икос1

Ангелов Творец избра тя от чрева матери твоея и в рождестве твоем показа знамение будущаго иноческаго жития твоего, да будешь, богоблаженне Феодосие, молитвенником ко Господу и Пречистей Его Матери за весь мир. Мы же, грешнии, уповающе на скорую помощь твою, взываем ти сице:

Радуйся, от чрева матери Господом избранный:

Радуйся, во младенчестве к служению Богу преднареченный.

Радуйся, в рождестве твоем знамение жития монашескаго явивый:

Радуйся, в юности строгость иноческаго жития показавый.

Радуйся, Христа всем сердцем возлюбивый:

Радуйся, всего себе Господу предавши.

Радуйся, народа российскаго молитвенное ограждение:

Радуйся, Земли Кавказския священное украшение.

Радуйся, преподобие Феодосие, Кавказский чудотворче.

Кондак 2

Видя Господь благое сердца твоего изволение, яко из младенчества имел еси к Нему любовь велию и немолчно прославлял еси Имя Господне, уготова ти ангельское житие во Святей горе Афонстей, идеже во смирении и послушании научался еси Единаго Бога любити и Того ради вся земная презирати, вопиюще Ему: Аллилуиа.

Икос 2

Разум богопросвещен имея, преподобие отче Феодосие, на Раевом камени от младенчества молитися Богу навыкл еси, веру крепкую, надежду несумненную, любовь истинную к Нему стяжал еси и стопы своя ко Святей горе Афонстей направил еси, тем же ублажаем тя сице:

Радуйся, из младенчества молитву ко Господу творивый:

Радуйся, выну любовию пламенною к Нему горевый.

Радуйся, на Святей горе Афонстей во отрочестве чин ангельский принятый:

Радуйся, тамо многая послушания понесый.

Радуйся, усердный к Богу и Матери Божией молитвенниче:

Радуйся, покаяния проповедниче.

Радуйся, скорбящим скорое утешение и вразумление:

Радуйся, присное и неложное их умирение.

Радуйся, преподобие Феодосие, Кавказский чудотворче.

Кондак 3

Силу, данную ти свыше, приял еси, преподобие отче Феодосие, изгоняти всякую силу вражию. И того ради с кротостию и смирением уврачевал еси одержимую бесом жену знатную, да сие чудо видяще, вси людие прославиша Бога, вопиюще Ему: Аллилуиа.

Икос 3

Имуще тя, изрядный угодниче Христов Феодосие, воителя противу силы бесовския, теплаго молитвенника и предстателя пред Господом о нас, недостойных, любовию твоею побеждаеми, со умилением зовем ти:

Радуйся, многая дары духовная от Господа получивый:

Радуйся, теми же козни диавольския победивши.

Радуйся, жену, бесом одержимую, во отрочестве твоем исцеливый:

Радуйся, плотския похоти умертвивши.

Радуйся, силу чудес Божиих явивый:

Радуйся, воине Христов добро-победный.

Радуйся, предстателю о нас к Богу и Богородице непостыдный:

Радуйся, Небеснаго Царя избраннице предивный.

Радуйся, преподобие Феодосие, Кавказский чудотворче.

Кондак 4

Бурю гнева неправеднаго от братии претерпел еси, блаженне Феодосие, ими же в нечистоты ввержен был еси, Пречистою же Богородицею чудесно извлечен. Сего ради, зряще таковое о тебе Матери Божией благоволение, вопием Всевышнему Богу: Аллилуев.

Икос 4

Слышавшее о бывшем на тебе чудеснем излиянии милости Пресвятыя Девы Марии и Архистратига Божия Михаила, мы, грешнии, прославляем дивнаго во святых своих Господа и Его Пречистую Матерь со Архангелом и вопием ти:

Радуйся, Царицею Небесною от смерти спасенный:

Радуйся, Архистратигом Божиим Михаилом от посрамления избавленный.

Радуйся, тесный путь спасения возлюбивый:

Радуйся, ярем Господень на выю свою возложивый.

Радуйся, от братии в монастыре всяческая поношения претерпевый:

Радуйся, незлобие младенческое имевый.

Радуйся, рабе Господень благий и верный:

Радуйся, скорый помощниче всем скорбящим и обремененным.

Радуйся, преподобие Феодосие, Кавказский чудотворче.

Кондак 5

Божественный Огнь благодатный видевше на Гробе Господнем, в Великую Субботу чудесно возгораемый, и сим Огнем освященный, многая лета послужил еси, преподобие отче Феодосие, во Святей Земли, выну взывая Богу: Аллилуиа.

Икос 5

Видя тя очами веры чада твоя, преподобие отче Феодосие, со благоговением у Гроба Господня служаща и со дерзновением Ему мольбы о стране Российстей приносяща, удивлением объяты, благодарно вопием ти:

Радуйся, во Святей Земли благодатно поживый:

Радуйся, по стопам Спасителевым ходивши.

Радуйся, Огнем благодатным освятивыйся:

Радуйся, любовию к Богу воспламенивыйся.

Радуйся, пред Гробом Господним служителю усердный:

Радуйся, молитвенниче к Богу и Богородице о нас неусыпный.

Радуйся, веру Христову миру являяй:

Радуйся, везде Христа прославляяй.

Радуйся, преподобие Феодосие, Кавказский чудотворче.

Кондак 6

Проповедник смирения и покаяния был еси, отче, образом жития твоего незлобие и всепрощение показуя, яко же светило многосветлое, тьму неведения и уныния от приходящих к тебе отгонял еси и всех увещевал плоть духови покоряти и чистым сердцем пети Богу: Аллилуиа.

Икос 6

Приемый от Господа благодать разумения о Пресвятей Троице на Афонстей горе, во Иерусалиме и Царьграде, в Земли Российстей Православныя веры проповедник явился еси. Мы же, верующе православно во Святую Троицу, с любовию вопием ти:

Радуйся, веры православный проповедниче:

Радуйся, предивный Божий избранниче.

Радуйся, усердно призывающим тя помощниче:

Радуйся, добрый стада своего наставниче.

Радуйся, людей Земли Российский усердный заступниче:

Радуйся, к Богу и Богородице непрестанный о них молитвенниче.

Радуйся, Царствия Небеснаго насле дниче:

Радуйся, веры Христовой дерзновенный исповедниче.

Радуйся, преподобие Феодосие, Кавказский чудотворче.

Кондак 7

Хотя Человеколюбец Господь явити в тебе, преподобие, свое неизреченное к людем милосердие, показа тя яко воистину светило Богосветлое: скорым твоим ходатайством чудеса многая и преславная совершаются. Ты же, старче, и при жизни достиг посещения небесных служителей, благодарно прославляя Всевышняго Бога: Аллилуиа.

Икос 7

Новаго видяще тя избранника Божия, издалеча притекаху к тебе вернии в скорбех и болезнех, егда источник в пустыне ископал еси, старче Феодосие, и благодать на воду сию у Пресвятыя Троицы испросил еси исцеляти телесныя и душевныя недуги. Сего ради взываем ти:

Радуйся, старче, рабе Господень:

Радуйся, верных источниче благодатный.

Радуйся, духовною пищею алчущия питаяй:

Радуйся, святою водою из источника твоего верным жажду утоляяй.

Радуйся, при жизни посещения Царицы Небесныя сподобивыйся:

Радуйся, святыми небожителями не оставленный.

Радуйся, яко благословением и советами людям верующим помогаяй:

Радуйся, всех с верою к тебе притекающих на путь спасения наставляяй.

Радуйся, преподобие Феодосие, Кавказский чудотворче.

Кондак 8

Странное и преславное чудо даровати Господь, преподобие отче Феодосие, дар молитвенный, живых заступающий и от ада спасающий. Мы же Господу Нашему, даровавшему нам, на Кавказе живущим, таковаго молитвенника и ходатая о нас, вопием: Аллилуиа.

Икос 8

Всего себе Христу от чрева матерняго предал еси, блаженне Феодосие, умиленным сердцем и сокрушенною душею Тому выну предстоя и духовная чада научая храните смирение и самоукорение, дар умиления стяжати. Сия ведяще, восхваляем тя сице:

Радуйся, Бескровной Жертвы достойный совершителю:

Радуйся, Алтаря Господня благоговейный служителю.

Радуйся, дарований духовных светилъниче:

Радуйся, новыя обители иноческия началъниче.

Радуйся, заточение Христа ради претерпевый:

Радуйся, изгнание ближним предсказавый.

Радуйся, любящим и чтущим тя, ходатая спасения:

Радуйся, приводяй грешников ко исправлению.

Радуйся, преподобие Феодосие, Кавказский чудотворче.

Кондак 9

Вси людие удивляхуся тебе, старче Феодосие, яко призыванием Господа и молитвенным твоим ходатайством бесы изгоняются и одержимые исцеляются. Тако и мы, к мощем твоим прибегая, умиленно возглашаем Богу: Аллилуиа.

Икос 9

Разум человеческий не может изрещи обилие благодати духовныя, ею же ты, отче Феодосие, преисполнен, юже и мы получаем, в молитве к тебе прибегающе. Сего ради сицевое пение приносим тебе:

Радуйся, молитвами своими тьму напастей от нас оттоняяй:

Радуйся, на путь отрешения от мира нас наставляяй.

Радуйся, страданиями душу обогативый:

Радуйся, утешение чадам духовным явивый.

Радуйся, Господом укрепленный:

Радуйся, Духом Святым просвещенный.

Радуйся, среди горских народов поживый:

Радуйся, с иноверными в мире жити учивый.

Радуйся, преподобие Феодосие, Кавказский чудотворче.Кондак 10

Богоборныя гонения на Церковь Православную видяще, ты, отче Феодосие, верных ради подвиг юродства приял еси, да явиши людем премудрости Божией велия дары, вопиюще Ему: Аллилуиа.

Икос 10

Стена еси и твердое прибежище к заступлению твоему прибегающим, чудотворче Феодосие. Темже в бедах, скорбех, обстояниех и лишениех мнозих пребывающе, радуяся твоему о нас заступлению, благодарно вопием ти:

Радуйся, в юродстве силу Божию людем православным явивый:

Радуйся, грядущая, яко настоящая, провидевши.

Радуйся, прегрешений сокровенных обличителю прозорливый:

Радуйся, жителем града Минводы скорби в притчах предсказавый.

Радуйся, детей малых от огненнаго запаления чудесно избавивши:

Радуйся, призывающим тя скорый помощниче.

Радуйся, любви и смирению свою паству научаяй:

Радуйся, от помысла греховнаго упавших духом отвращаяй.

Радуйся, преподобие Феодосие, Кавказский чудотворче.

Кондак 11

Пение всеумиленное Пресвятей Троице принеслеси, егда душу свою Спасителю Мира в руце предал еси и со лики Ангел в Небесныя селения вселился еси, воспевая Богу: Аллилуиа.

Икос 11

Видевше людие, угодниче Божий Феодосие, мирную кончину твою и чудеса на гробе твоем творимые, возрадовашася. Тем же в уповании всесильнаго предстательства твоего у Престола Пресвятыя Троицы уверишася, с любовию взывают ти:

Радуйся, в обители небесныя вселивыйся:

Радуйся, яко кончину твою колокольный звон чудесно возвести.

Радуйся, яко гроб твой Ангелы сопровождаша:

Радуйся, яко на могиле твоей столп огненный людие видеша.

Радуйся, яко мощи твоя верным источают исцеления:

Радуйся, притекающих к гробу твоему крепкое заступление.

Радуйся, Тайн Божиих вечный зрителю:

Радуйся, от бед и горя скорый избавителю.

Радуйся, преподобие Феодосие, Кавказский чудотворче.

Кондак 12

Благодать Божию приял еси, преславне Феодосие, яко в житии твоем светильник был еси притекающим к тебе с верою, и по смерти своей возсиял еси светом чудес твоих. Людие дивляшеся славе твоей, взывают Богу со умилением: Аллилуиа.

Икос 12

Поющу Богу, дивну во Святых Своих, восхваляем тя, преподобие отче Феодосие, был бо еси образ жития юным, правилом веры мужем, учитель старцев, нам же всем молитвенник и предстатель. Сего ради вопием ти:

Радуйся, долголетием от Бога одаренный:

Радуйся, по смерти чад своих не оставивши.

Радуйся, обилие чудес верным явивый:

Радуйся, всем с верою приходящим к мощем твоим помогаяй.

Радуйся, на стезю спасения всех наставляяй:

Радуйся, Церковь Святую от неверия и расколов сохраняяй.

Радуйся, в обстояниях и напастех верный о нас молитвенниче:

Радуйся, пастырей Земли Кавказския покровителю и скорый помогдниче.

Радуйся, преподобие Феодосие, Кавказский чудотворче.

Кондак 13

О, пречудный угодниче Божий и чудотворче, преподобие отче Феодосие! Воистину дар Божий еси нам, иже во иночестве, и во священстве, и во юродстве Триипостаснаго Бога прославил еси. Приими малое сие моление наше и умоли Господа Бога, да помилует нас твоими мольбами, на путь покаяния всех наставит, вопиющих Ему: Аллилуиа, аллилуиа, аллилуиа.

Сей кондак глаголи трижды.

И паки чтется первый икос: Ангелов Творец И паки кондак: Избранный угодниче...

Преподобный Феодосий Кавказский